عيدميلاد زوجي


كان بنفس اليوم بس كان الإحتفال عائلي لأنه كنت ناوية أحجز فندق ميسوني بالويك إند وبيكون الإحتفال خاص وبحط لكم تفاصيل الفندق بالصور بالبوست الياي والهدية كانت كاش

سويت ستيك بس ماحسيت إني ضبطته عدل مع سلطة ودجاج كوري :) بس مغيره بالمقادير  وبما إنه كان الإحتفال عائلي ولدي قعد على الطاولة وحاس بالأكل شوي قبل لا إيي إبوه

:(

والعشى كان على ضوء خافت أزرق خافت بس تشوفين مو كلش الليت الصغير لا أبجورة طويلة بالزاوية

وكنت قاعده أدور أغنية هابي بيرثدي بالأيباد بيوتيوب بس ماحصلت وحده إعجبتني وقعدنا إحنا نغني وولدي بلش غناء بصوته العذب من قبل لا أبطل الباب حق إبوه وخليته يقدم له هديه صغيره عشان أنمي فيه روح العطاء لووووووووول ويتعود يذكر إبوه



وإهني الكيكة هالكيكة إطلعت باللحظة الأخيره إهيا مو كيكة إهيا كوكيز سويته بهالطريقة عشان أكتب الحرف وأحط شموع دوائر كنت حابه الشموع أضغر بس ميخالف هم يأدون الغرض

وإهني لما رحنا الفندق بس التفاصيل جيكو عالبوستات إلي بقسم إعجابي

وسلامتكم

صحون من جمعية الفيحاء

كنت بجمعية الفيحاء وشفت هالصحون شكلهم حلو حق ريوق

أول واحد إلي على اليمين حلو حق زيتون لأنه إيي معاه شوكه صغيره تمسكين فيها الزيتونه وتاكلينها

والثاني مقسم حق مخلل أو طماط شرايح أو زيتون يكون طبق خفيف وجانبي عاد هالصحن مسكت واحد وقلبته بشوف سعره ولا  أثاري إمبطل ويطيح وينكسر لوووول

بس يحليلهم قلت حق الكاشير طاح مني وإنكسر نادولي واحد وقالي خلاص لاتدفعين :)