كانت زيارتي بأول يوم بعد الإفتتاح بساعتين تقريبا أو ساعة ونص
للأسف المعرض ماكان بالشكل المتوقع وخاصة أنهم قاعدين يجهزون له من 3 شهور تقريبا
أحلى شي فيه كان سوالف القرقيعان ولا الباجي عادي
المعرض ماعجبني وايد وكان حر ووايد زحمة وفوضى ومو مرتب ماكو أشياء تشوق واايد على كبر المعرض قليل تشوفين شي حلو وراقي وللأسف الزين ضايع مع الشين
تكرمون زبالة الريسايكل بنص الممرات بعض البوثات مو مرتبه وبعضها اتيين بتصورين كله حسبالهم بتبوقين أفكارهم مع أكثر الأفكار مكرره
بحطلكم الصور إخذو فكرة عن منتوجات المعرض مع أسامي البوثات
ROSHENA & CRYSTAL BOUTIGUE
هذا بوث رقم 4 ماله إسم بس عندها جم قطعة حلوة حق القرقيعان
حصالة وشكلها غريب على كيكة تنفع تحطين فيها قرقيعان
هالبوث عبي
ROMANZO دبي
أم ورود مول
ملابس أطفال وملابس تقليد ماركات
طبعا ماشفت ولا ركن بالمعرض فيه شي أصلي بس ذوقها للبدل حلوو
هذا الستاند في خصومات على ملابس الأطفال
هذا عجبني حده ذرب وسعره 35 د.ك
أتوقع هالبوث أم عفاف مول
MS LUXURY
بس معاها بنتين حبوبين لهم سوالف القرقيعان
قرقيعان سارونه يحليلها تهبل ومعاها وحده تصمم ملابس
ليلي فلور
سوالف تقديم وملابس
إهني من الحر قلت أطلب شي بارد حق ولدي ويوم نقيت ولا تقولي ماكو ثلج مادري في شي ناقص وتقولي نطري ووقفت أنطر تقولي خلي خدامتج وإهيا اتييبلج الطلب
امبييه شكووو بروحه حر وتبيني انطر وبكيفها روحي وخلي خدامتج وولدج
أخر شي قلت لها مابي خلاص ومشيت
هالقلاصات للبيع من عندهم لما شفتهم حسيت ستايل هاواي
ELEGANT AT WORK
سوالف يونيفورمات حق الخدم الأسعار 8 و 10 دنانير وتقدر تسويلج لبس خاص بشركتج بصالونج .... إلخ
إهني يحليلها تصفطلي طلبي وترتبه أنا من اللويه قلت لها عادي حطيه تقولي لا ماعرف أحط شي مو مرتب
موفقه إن شاءالله من زرع حصد
هذا بروشورهم
EMAN NAJEM WORKSHOP
هذا ما دخلته بس من بره صورته
ناف ستايل
شغلهم حلوو حق ملابس القرقيعان وملابس الكبار
الدشداشه على 25 د.ك
وموديل البشت عجبني وفي منه ألوان بس هذا أحلى لون بس مو متأكده من سعره يمكن 60 أو 80 يمكن أكثر
حاطين لهم وحده ترتب من ورى الزباين يعني قاعدين يتعبون على واجهنهم وشغلهم
موفقين
طلال
كفرات أيفوه وبلاك بيري بس
كفر الزنوبه :)
قاعده سيليكون للأيفون
كتاب أفكاري في أطباقي
للي حابه تتفنتق بالأكل برمضان وبعد رمضان
MATOOSH
هذا الركن عجبني وكان مرتب بس مكان تكرمون الزبالة غلط
للأسف ماصورت إسمها
نقلت لكم موديلاتها للقرقيعان للي حابه تشتري
DELISH SWEETS
سوالف قرقيعان
في بوثات يبيعون مشروبات ماي بيبسي وهالسوالف كانو موزعين بالمعرض بس للأسف شكلهم يضيق الخلق شغل يلا مشي حالك
مشترياتي من المعرض
ككاو من
BON BON SWEETS
كانت مكس من الككاو يعني جنه بوكس سامبل ب 5 د.ك
بوكسات من قرقيعان أم سارة خذيت 6 حبات الحبة ب 6 د.ك
دشداشة للقرقيعان حق ولدي 25 د.ك
سليبر على شكل أنجري بيردز ب 2.5 د.ك أو 3
إضاءة للجاكوزي رومانسية العلبة ب 2.5 د.ك فيها ثلاث حبات
يونيفورم للخدامة 10 د.ك
كفر للأيفون ب 2.5 د.ك
هذا شغله روعة وراقي الصراحة حق تقديم وإستقبالات لا يطوفكم
بس ماخلاني أصور خايف على الأفكار
بعض الكروت والبروشورات
في بروشور عن ماسك الذهب وبروشور عن فلتر تحطينه داخل دولكه وتصبين منها عادي
هذا شكل فوني بالكفر
للأسف المعرض كان مخرب عليه الزحمة والحر والفوضى وعدم إهتمام البائعين بمنتجاتهم وطريقة عرضها
وحبيت أذكر من ضمن المشاركين بعد كوكيز بوكيه المعروف وبون بون سويت
ويعطيكم ويعطيهم العافية
وفي جم صورة مانزلتهم لأنه حاليا ماعندي وقت
وحياكم الله
